මෘදු කුසලතා හා ව්‍යවසායකත්ව සංවර්ධන වැඩමුළුවක්

  • Print
  • E-mail

කැලණිය විශ්වවිද්‍යාලයේ වාණිජ හා කළමනාකරණ අධ්‍යයන පීඨයේ අලෙවි කළමනාකරණ අධ්‍යයන අංශය හා Future Marketers Association මගින් සංවිධානය කළ මෘදු කුසලතා හා ව්‍යවසායකත්ව සංවර්ධන වැඩමුළුවක් 2016 ජුනි මස 22 වැනි දින වාණිජ හා කළමනාකරණ අධ්‍යයන පීඨ පරිශ්‍රයේදී පැවැත්විණ.

විද්‍යාර්ථීන්ගේ මෘදු කුසලතා හා ව්‍යවසායකත්ව වර්ධනය අරමුණු කරගනිමින් පැවැති මෙම වැඩමුළුවේ ප්‍රධාන දේශනය ජනප්‍රිය ගායක භාතිය ජයකොඩි මහතා පැවැත්වීය.

මෙම අවස්ථාවට අලෙවි කළමනාකරණ අධ්‍යයන අංශයේ අංශාධිපති ආචාර්ය ඩබ්.එම්.සී.බී. වන්නිනායක මහතා ඇතුළු අධ්‍යයන කාර්ය මණ්ඩලය හා විද්‍යාර්ථීන් සහභාගි වූහ.

Read more...

 

“සුරූපිය සහ මෘගයා” වේදිකා නාට්‍යයේ මුහුරත් උළෙල

  • Print
  • E-mail

කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ ඉගැන්වීම් සහ ඉගෙනුම් ව්‍යාපෘතියක් ලෙස ඉදිරිපත් කරන සුරූපිය සහ මෘගයා වෘත්තාන්ත රංගයේ මුහුරත් උළෙල 2016 ජුනි 20 වැනි දින කොටහේන ප්‍රඥාකීර්ති අනුස්මරණ ශාලාවේදී පැවැත්විණ.

ජන හතුරා, පොකුරු වැස්ස, සොක්‍රටීස්, ඊසොප් වැනි නාට්‍ය නිර්මාණයන් ඉදිරිපත් කළ සම්මානිත මහාචාර්ය සුනන්ද මහේන්ද්‍රයන්ගේ තිර රචනයෙන් හා අධ්‍යක්ෂණයෙන්, ජනසන්නිවේදන අධ්‍යයන අංශයේ නිෂ්පාදනයක් ලෙසින් සුරූපිය සහ මෘගයා වෘත්තාන්ත නාට්‍ය ඉදිරිපත්වේ. අසුන්දරත්වය සහ සුන්දරත්වය තුළ පවතින සැබෑ වූ වටිනාකම් හඳුනා ගැනීමට උත්සහ දරා ඇති මෙහි රංගන දායකත්වය ජනසන්නිවේදන අධ්‍යයන අංශයේ විද්‍යාර්ථීන් සපයන අතර සංගීත නිර්මාණය රුක්ෂාන් සුබසිංහගෙනි.

මෙම අවස්ථාවට උපකුලපති ජ්‍යෙෂ්ඨ මහාචාර්ය සුනන්ද මද්දුමබණ්ඩාර මහතා, සමාජීය විද්‍යා පීඨයේ පීඨාධිපති මහාචාර්ය ඒ.එච්.එම්.එච්. අබයරත්න මහතා, මානව ශාස්ත්‍ර පීඨයේ පීඨාධිපති මහාචාර්ය ලක්ෂ්මන් සෙනෙවිරත්න මහතා, සන්නිවේදන හා මාධ්‍ය ඒකකයේ අධ්‍යක්ෂ ජ්‍යෙෂ්ඨ මහාචාර්ය චන්ද්‍රසිරි රාජපක්ෂ මහතා, ජනසන්නිවේදන අධ්‍යයන අංශයේ අංශාධිපති මහාචාර්ය රෝහණ ලක්ෂ්මන් පියදාස මහතා ,සම්මානිත මහාචාර්ය සුනන්ද මහේන්ද්‍ර මහතා හා එම මැතිනිය ඇතුළු අධ්‍යයන කාර්ය මණ්ඩලය හා විද්‍යාර්ථීන් විශාල පිරිසක් සහභාගි වූහ.

Read more...

 

බටහිර සම්භාව්‍ය සංස්කෘතිය සහ ක්‍රිස්තියානි සංස්කෘතිය අධ්‍යයන අංශයේ “කණිෂ්ඨ පර්යේෂණ පරිසංවාදය 2016”

  • Print
  • E-mail

කැලණිය විශ්වවිද්‍යාලයේ මානව ශාස්ත්‍ර පීඨයේ බටහිර සම්භාව්‍ය සංස්කෘතිය සහ ක්‍රිස්තියානි සංස්කෘතිය අධ්‍යයන අංශය මගින් සංවිධානය කළ කණිෂ්ඨ පර්යේෂණ පරිසංවාදය 2016 2016 ජූනි මස 09 වැනි දින මානව ශාස්ත්‍ර පීඨ පරිශ්‍රයේදී පැවැත්විණ.

විශ්වවිද්‍යාල අධ්‍යාපනයේ ප්‍රධාන අංගයක් වන පර්යේෂණ සඳහා උපාධි අපේක්ෂක අපේක්ෂිකාවන් පුහුණු කිරීම මෙම පර්යේෂණ පරිසංවාදයේ අරමුණ වන අතර මෙහි ප්‍රධාන දේශනය මෙල්බර්න් විශ්වවිද්‍යාලයේ පර්යේෂණ විද්වතෙකු වන ආචාර්ය ශාන්තිකුමාර හෙට්ටිආරච්චි මහතා පැවැත්වීය.

මෙම අවස්ථාවට උපකුලපති ජ්‍යෙෂ්ඨ මහාචාර්ය සුනන්ද මද්දුමබණ්ඩාර මහතා, මානව ශාස්ත්‍ර පීඨයේ පීඨාධිපති මහාචාර්ය ලක්ෂ්මන් සෙනෙවිරත්න මහතා, පර්යේෂණ කවුන්සිලයේ සභාපති මහාචාර්ය එම්.ජේ.එස් විජේරත්න මහතා, මානව ශාස්ත්‍ර පීඨයේ පර්යේෂණ කේන්ද්‍රයේ අධ්‍යක්ෂක ආචාර්ය ප්‍රශාන්තී නාරංගොඩ මහත්මිය ,බටහිර සම්භාව්‍ය සංස්කෘතිය සහ ක්‍රිස්තියානි සංස්කෘතිය අධ්‍යයන අංශයේ අංශ ප්‍රධාන ජ්‍යෙෂ්ඨ කථිකාචාර්ය පී.විජිත් රොහාන් ප්‍රනාන්දු මහතා ඇතුළු අධ්‍යයන කාර්ය මණ්ඩලය හා විද්‍යාර්ථීන් රැසක් සහභාගි වූහ.

Read more...

 

නායකත්ව වැඩමුළුවක්

  • Print
  • E-mail

කැලණිය විශ්වවිද්‍යාලයේ ශාරීරික අධ්‍යාපන අංශය මගින් ක්‍රීඩා කණ්ඩායම් නායක නායිකාවන් වෙනුවෙන් සංවිධානය කළ නායකත්ව වැඩමුළුවක් 2016 ජුනි මස 14 වන දින විද්‍යාපීඨයේ B1 212 ශාලාවේදී පැවැත්විණ.

මෙහි ප්‍රධාන දේශනය ශාරීරික අධ්‍යාපන අංශයේ වැඩබලන අධ්‍යක්ෂ ජී.ජී.යූ සමන් කුමාර මහතා පැවැත්වූ අතර මෙහිදී නායකත්වය යනු කුමක්ද? ප්‍රායෝගිකව නායකත්වය මෙහෙයවන්නේ කෙසේද? සහභාගිත්ව හා ජයග්‍රාහී අරමුණු වෙනුවෙන් තම කණ්ඩායම මෙහෙයවන්නේ කෙසේද? යන අංශයන් පිළිබඳ කරුණු ඉදිරිපත් කරනු ලැබීය. මේ සඳහා ක්‍රීඩා කණ්ඩායම් 36 ක නායක නායිකාවන් 76 දෙනෙක් සහභාගි වූ අතර මෙම අවස්ථාවට  ක්‍රීඩා උපදේශන මණ්ඩලයේ සභාපති ජ්‍යෙෂ්ඨ මහාචාර්ය එස්.ආර්.ඩී කාලිංගමුදලි මහතා ඇතුළු ශාරීරික අධ්‍යාපන අංශයේ උපදේශක මණ්ඩල සාමාජිකයන් සහභාගි වූහ.

Read more...

 

Page 1 of 110

News Paper Article

Paper cuttings

News Archeive

No of visits


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter