කැලණිය විශ්වවිද්‍යාලයේ වර්තමාන ප‍්‍රගතිය පිළිබඳ මාධ්‍ය දැනුවත් කෙරේ

  • Print
  • E-mail

කැලණිය විශ්වවිද්‍යාලයේ වර්තමාන ප‍්‍රගතිය පිළිබඳ මාධ්‍ය දැනුවත් කෙරේ

කැලණිය විශ්වවිද්‍යාලය වර්තමාන ප‍්‍රගතිය පිළිබඳ මාධ්‍ය දැනුවත් කිරීමේ අරමුණින් උපකුලපතිතුමා හා කැලණිය විශ්වවිද්‍යාලයේ ආදී විද්‍යාර්ථින් වූ දැනට මාධ්‍ය කේෂත‍්‍රයේ විවිධ රැකියාවන්හි නියුක්තියන් අතර සාකච්ඡුාවක්  2015 ජූලි මස 29වෙනි දින කිරිබත්ගොඩ කැලැරියොන් හෝටලයේ දී පැවැත්විණ.
උපකුලපතිතුමාගේ ප‍්‍රධානත්වයෙන් පැවැති මෙම අවස්ථාවට සමාජීය විද්‍යා, මානව ශාස්ත‍්‍ර, විද්‍යා, වෛද්‍ය හා පශ්චාත් උපාධි පීඨයන්හි පීඨධිපතිවරු, ජනසන්නිවේදන අධ්‍යයන අංශයේ අංශාධිපති, මාධ්‍ය ඒකකයේ අධ්‍යක්ෂ, කැලණිය විශ්වවිද්‍යාලයේ වෙබ් මාස්ටර් ඇතුලූ අධ්‍යයන කාර්ය මණ්ඩලය හා දිවයිනේ විවිධ මාධ්‍ය ආයතන නියෝජනය කරමින් වෘත්තිකයන් රැසක් අවස්ථාවට සහභාගි වූහ.
සන්නිවේදන හා මාධ්‍ය ඒකකය මගින් මෙය සංවිධානය කරන ලදී.

 

පර්යේෂණ කළමණාකරණ ග‍්‍රන්ථ හා විද්‍යාමිථිය පිළිබඳ ජාත්‍යන්තර වැඩමුළුව

  • Print
  • E-mail

පර්යේෂණ කළමණාකරණ ග‍්‍රන්ථ හා විද්‍යාමිථිය පිළිබඳ ජාත්‍යන්තර වැඩමුළුව

කැලණිය විශ්වවිද්‍යාලයේ සමාජීය විද්‍යා පීඨයේ පුස්තකාල හා විඥාපන විද්‍යා අධ්‍යයන අංශය මඟින් සංවිධානය කරන ලද පර්යේෂණ සඳහා අවශ්‍ය ග‍්‍රන්ථ හා විද්‍යා මිථිය (Bibliometric and Scientometric Analysis for Research Management ) පිළිබඳ ජාත්‍යන්තර වැඩමුළුවෙහි සමාරම්භක උත්සවය 2015 ජූලි මස 27 වන දින සමාජීය විද්‍යා පීඨ රැස්වීම් ශාලාවේදී පැවැත්විණ.

මෙහිදී නූතන පර්යේෂණ කළමණාකරණයෙහි නිර්මාතෘ, ඇමරිකානු ජාතික පුස්තකාල හා විඥාපන විද්‍යා ආචාර්ය එයුජීන් ගාර්ෆීල්ඞ් මහතා මෙම වැඩමුළුව සඳහා විශේෂ පණිවිඩයක් නිකුත් කළ අතර, මෙහි ප‍්‍රධාන දේශනය ඉන්දියාවේ භාරතීදාසන් විශ්වවිද්‍යාලයේ මහාචාර්ය රාජන් බාලසුභ‍්‍රමනියම් මහතා විසින් සිදු කෙරිණ.

මෙම වැඩමුළුවෙහි ප‍්‍රධාන ආරාධිත අමුත්තා ලෙස කැලණිය විශ්වවිද්‍යාලයේ උපකුලපතිතුමා සහභාගී වූ අතර, සමාජීය විද්‍යා පීඨයේ හා විද්‍යා පීඨයේ පීඨාධිපතිවරු, පුස්තකාල හා විඥාපන විද්‍යා අධ්‍යයන අංශයේ අංශාධිපති ඇතුළු අධ්‍යයන කාර්ය මණ්ඩලය, පුස්තකාලයාධිකාරි, දේශීය මෙන්ම විදේශීය විද්වතුන් සහ විද්‍යාර්ථීහු රැසක් මෙම අවස්ථාවට සහභාගී වූහ.

 

ආදි විද්‍යාර්ථීන්ගේ සංසදයේ වාර්ෂික සංවත්සර මහා සභා රැස්වීම

  • Print
  • E-mail

ආදි විද්‍යාර්ථීන්ගේ සංසදයේ වාර්ෂික සංවත්සර මහා සභා රැස්වීම

කැලණිය විශ්වවිද්‍යාලයේ ආදිවිද්‍යාර්ථි සංසදයේ වාර්ෂික මහා සභා රැස්වීම 2015 ජූලි මස 25 වන දින කඩවත ඉන්ද්‍රා උත්සව ශාලාවේදී පැවැත්විණ. කැලණිය විශ්වවිද්‍යාලයේ කුලපති  අග්ගමහා පණ්ඩිත අතිපූජ්‍ය වැලමිටියාවේ ධර්මකීර්ති ශ‍්‍රී කුසලධම්මාභිධාන නාහිමියන්ගේ ප‍්‍රධානත්වයෙන් සහ උපකුලපතිතුමාගේ සහභාගීත්වයෙන් පැවති මෙම අවස්ථාවට ආදි විද්‍යාර්ථීහු විශාල පිරිසක් සහභාගී වූහ. කැලණිය විිශ්වවිද්‍යාලයේ අධ්‍යයන කාර්ය මණ්ඩලයේ සේවය කර විිශ‍්‍රාමලත් ආදි විද්‍යාර්ථී මහාචාර්යවරු 10 දෙනෙක් මෙහිදී ඇගයීමට පාත‍්‍ර වූහ.
ඇගයීමට පාත‍්‍ර වූ මහාචාර්යවරුන්
x    මහාචාර්ය සුනන්ද මහේන්ද්‍ර මහතා - ජනසන්නිවේදන අධ්‍යයන අංශය
x    මහාචාර්ය ආනන්ද අබේසිරිවර්ධන මහතා - සිංහල අධ්‍යයන අංශය
x    මහාචාර්ය සෝමරත්න බාලසූරිය මහතා - සිංහල අධ්‍යයන අංශය
x    මහාචාර්ය ජිනදාස දනන්සූරිය මහතා - සිංහල අධ්‍යයන  අංශය
x    මහාචාර්ය ආරියවංස දිසානායක මහතා - ආර්ථික විද්‍යා අධ්‍යයන අංශය
x    මහාචාර්ය ජේ. එම්. පතිරගේ මහත්මිය - ආර්ථික විද්‍යා අධ්‍යයන අංශය
x    මහාචාර්ය යූ. බී. කරුණානන්ද මහතා - ඉතිහාස අධ්‍යයන අංශය
x    මහාචාර්ය රංජනී දිසානායක මහත්මිය -  වාණිජ විද්‍යා අධ්‍යයන අංශය
x    මහාචාර්ය සී. සී. අමරසේකර - භෞතික විද්‍යා අධ්‍යයන අංශය
x    මහාචාර්ය සුකුමාල් විමලසේන - රසායන විද්‍යා අධ්‍යයන අංශය

 

ගාන්ධාර සංස්කෘතික උරුමය පිළිබඳ දේශනයක්

  • Print
  • E-mail

ගාන්ධාර සංස්කෘතික උරුමය පිළිබඳ දේශනයක්

කැලණිය විශ්වවිද්‍යාලයේ ආසියානු අධ්‍යයන කේන්ද්‍රය මගින් සංවිධානය කරන ලද ගාන්ධාර සංස්කෘතික උරුමය පිළිබඳ  එක්දින දේශනයක් ඉතාලි ජාතික පුරාවිද්‍යාඥවරියෙකු වන ආචාර්ය Pia Brancaccio  මහත්මිය විසින් 2015 ජූලි මස 25 වන දින කැලණිය විශ්වවිද්‍යාලයේ සමාජීය විද්‍යා පීඨ රැස්වීම් ශාලාවේදී පවත්වන ලදී.
කැලණිය විශ්වවිද්‍යාලයේ උපකුලපතිතුමා මෙහි ප‍්‍රධාන ආරාධිත අමුත්තා ලෙස සහභාගී වූ අතර එතුමන් අතින් ආසියානු අධ්‍යයන කේන්ද්‍රයේ වෙබ් අඩවිය අන්තර්ජාලයට මුදා හැරීමද මෙහිදී සිදුකෙරිණි.
සමාජවිද්‍යා පීඨයේ පීඨාධිපති අංශප‍්‍රධානවරු ඇතුළු අධ්‍යක්ෂ කාර්ය මණ්ඩලය, ආසියානු අධ්‍යයන කේන්ද්‍රයේ අධ්‍යක්ෂ මහාචාර්ය අනුර මනතුංග මහතා, සන්නිවේදන හා මාධ්‍ය ඒකකයේ අධ්‍යක්ෂ මහාචාර්ය චන්ද්‍රසිරි රාජපක්ෂ මහතා හා විද්‍යාර්ථීහු රැසක් මෙම අවස්ථාවට සහභාගී වූහ.

 

Page 1 of 17

News For

News Archeive

No of visits


mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter