කැලණිය විශ්වවිද්‍යාලයීය ලලිත කලා අධ්‍යයන අංශයේ නාට්‍ය හා රංග කලා සහ ප‍්‍රතිබිම්බ කලා අධ්‍යයන ඒකකයේ ප‍්‍රතිබිම්බ කලා ශාස්ත‍්‍රවේදී (විශේෂ) අවසන් වසර විද්‍යාර්ථීන් වාර්ෂිකව පවත්වනු ලබන ‘‘උපනෙත’’ ඡායාරූප ප‍්‍රදර්ශනය සහ කෙටි චිත‍්‍රපට උළෙල මෙවරත් උත්කර්ෂවත් ලෙස පැවැත්වීමට කටයුතු සංවිධානය කර ඇත.

ඔක්තෝබර් 05, 06 සහ 07 යන දිනයන් හි කැලණිය විශ්වවිද්‍යාලයීය ගෘහස්ත ක‍්‍රීඩාගාරයේ දී පැවැත්වෙන උපනෙත කලා උළෙලේ සමාරම්භක උත්සවය උපකුලපති මහාචාර්ය සරත් අමුණුගම මහතාගේ ප‍්‍රධානත්වයෙන් ඔක්තෝබර් මස 05 වන දින උදෑසන 10.00 ට විවෘත වේ.  ජාත්‍යන්තර සම්මානලාභී ආචාර්ය මාලනී ෆොන්සේකා, කලාසූරී සතිස්චන්ද්‍ර එදිරිසිංහ, ස.ණ.ස සභාපති ආචාර්ය පී.ඒ. කිරිවන්දෙණිය, සම්මානලාභී සංස්කරණ ශිල්පී රවීන්ද්‍ර ගුරුගේ යන විද්වත්හු මෙහි සෙසු සම්භාවනීය ආරාධිතයෝ වෙති.

විමසීම් - 071-3553359 (මහේෂ්)

Last Updated on Tuesday, 27 March 2012 06:35